2024 ஆம் ஆண்டு தரம் 5 புலமைப்பரிசில் பரீட்சையின் பகுதி-1 இல் கசிந்துள்ள மூன்று கேள்விகளுக்கு முழு புள்ளிகளை வழங்குவதற்கு எடுக்கப்பட்ட தீர்மானம் மாற்றப்படாது என பரீட்சைகள் ஆணையாளர் நாயகம் தெரிவித்துள்ளார்.
அத்துடன் நடத்தப்பட்ட பரீட்சை நிலையானது எனவும் அவர் குறிப்பிட்டுள்ளார்.
புலமைப்பரிசில் பரீட்சையில் கசிந்த மூன்று வினாக்களுக்கு அனைத்து தரம் 5 மாணவர்களுக்கும் முழு மதிப்பெண்கள் வழங்கப்படும் என கல்வி, விஞ்ஞானம் மற்றும் தொழில்நுட்ப அமைச்சு அறிவித்துள்ளது.
கசிவு குறித்து நிபுணர் குழுவின் விசாரணையைத் தொடர்ந்து, நேர்மையை உறுதிப்படுத்த இந்த நடவடிக்கையை எடுக்க அமைச்சகம் முடிவு செய்தது.
