கிரிந்திவல பொலிஸ் பிரிவுக்குட்பட்ட பெபிலியவல-ரதாவான வீதியின் நாதுன்கொல்ல பிரதேசத்தில் இடம்பெற்ற வாகன விபத்தில் ஒருவர் உயிரிழந்துள்ளதாக பொலிஸார் தெரிவித்தனர்.
பெபிலியவல நோக்கி பயணித்த மோட்டார் சைக்கிள் ஒன்று சாரதியின் கட்டுப்பாட்டை இழந்து வீதியில் கவிழ்ந்து, எதிரே வந்த இராணுவ லொறியில் மோதியதில் இந்த விபத்து சம்பவித்துள்ளதாக பொலிஸார் குறிப்பிட்டனர்.
விபத்தில் காயமடைந்த நபர் ரதாவான மருத்துவமனையில் அனுமதிக்கப்பட்டதன் பின்னர் உயிரிழந்ததாக தெரியவருகிறது.
விபத்தில் 30 வயதுடைய நாதுன்கொல்ல, மண்டாவல பிரதேசத்தைச் சேர்ந்த ஒருவரே உயிரிழந்துள்ளார்.
விபத்து தொடர்பில் இராணுவ லொறியின் சாரதி கைது செய்யப்பட்டுள்ளதோடு, சம்பவம் தொடர்பான மேலதிக விசாரணைகளை கிரிந்திவல பொலிஸார் முன்னெடுத்து வருகின்றனர்.
