கண்டி, வில்லியம் கொபல்லாவ மாவத்தையில் இன்று இடம்பெற்ற வாகன விபத்தில் பாடசாலை மாணவியொருவர் உயிரிழந்துள்ளார்.
17 வயதுடைய பாடசாலை மாணவியே இவ்வாறு உயிரிழந்துள்ளார்.
தனியார் பேருந்துடன், தந்தையும் மகளும் பயணித்த மோட்டார் சைக்கிள் மோதியதில், மோட்டார் சைக்கிளின் பின் இருக்கையில் பயணித்த மாணவி மற்றுமொரு வாகனத்தின் சில்லுக்குள் சிக்கி தலை சிதறி உயிரிழந்துள்ளார்.
விபத்தில் உயிரிழந்த சிறுமி கட்டம்பே மஹாநாம கல்லூரியில் உயர்தரம் கற்றவர் என்றும், மேலதிக வகுப்பிற்காக தந்தையுடன் வந்து கொண்டிருந்தபோது இந்த விபத்து ஏற்பட்டதாகவும் பொலிஸார் தெரவிக்கின்றனர்.
விபத்தில் சிக்கிய மோட்டார் சைக்கிளும், தனியார் பேருந்தும் கட்டம்பேயிலிருந்து கண்டி நோக்கிச் சென்றதாக பொலிஸார் தெரிவித்தனர். இந்த சம்பவமானது நாட்டில் பெரும் சோகத்தை ஏற்படுத்தி இருந்தது. பாதுகாப்பாக வாகனத்தை செலுத்துவோம்.
