பொலன்னறுவை – சோமாவதிய வீதியில் நேற்று புதன்கிழமை (08) இரவு இடம்பெற்ற விபத்தில் குழந்தை ஒன்று உயிரிழந்துள்ளதுடன் ஆறு பேர் காயமடைந்துள்ளதாக பொலிஸார் தெரிவித்தனர்.
முச்சக்கரவண்டி ஒன்று எதிர்த்திசையில் பயணித்த கெப் வாகனத்துடன் மோதியதில் இந்த விபத்து இடம்பெற்றுள்ளது.
விபத்தின் போது, 09 மாத குழந்தை ஒன்று உயிரிழந்துள்ளதாக பொலிஸார் தெரிவித்தனர்.
மேலும், இந்த விபத்தில் 03, 05 மற்றும் 17 வயதுடைய மூன்று சிறுவர்களும், 26 மற்றும் 47 வயதுடைய இரண்டு பெண்களும் 56 வயதுடைய முச்சக்கர வண்டி சாரதியுமே காயமடைந்துள்ளனர்.
காயமடைந்தவர்கள் பொலன்னறுவை பொது வைத்தியசாலையில் சிகிச்சைக்காக அனுமதிக்கப்பட்டுள்ளதாக பொலிஸார் தெரிவித்தனர்.
