ஆபாச பட நடிகை ஸ்டார்மிக்கு பணம் கொடுத்ததாக கூறப்பட்ட வழக்கில், டொனால்டு ட்ரம்ப் குற்றவாளி என்று மீண்டும் உறுதி செய்த நீதிமன்றம், அவருக்கு அபராதமோ, சிறைதண்டனையோ விதிக்காமல் இந்த வழக்கில் இருது விடுவித்துள்ளது.
கடந்த 2016ல் நடைபெற்ற அமெரிக்க அதிபர் தேர்தலில் குடியரசு கட்சி சார்பில் டொனால்டு ட்ரம்ப் போட்டியிட்டார். அப்போது ட்ரம்புடனான ரகசிய தொடர்பு குறித்து ஆபாச நடிகை ஸ்டார்மி ஊடகங்களுக்கு பேட்டியளித்தார். இதை ட்ரம்ப் மறுத்தார்.
இந்த விவகாரத்தை மூடி மறைக்க ட்ரம்ப் தனது வழக்கறிஞர் மைக்கேல் கோஹன் மூலம் ரூ.1.07 கோடியை ஸ்டார்மிக்கு டிரம்ப் கொடுத்தார். இந்த தொகை ட்ரம்பின் தேர்தல் வரவு-செலவு கணக்கில் சட்டரீதியிலான செலவு என்று பதிவு செய்யப்பட்டது.
அமெரிக்காவில் வணிக செலவை பொய்யாக காட்டுவது சட்டவிரோதம் ஆகும். இது தொடர்பாக மன்ஹாட்டன் நடுவர் மன்றத்தில் வழக்கு தொடுக்கப்பட்டது. இந்த வழக்கில் நீதிபதி ஜுன் மெர்சன் நேற்று தீர்ப்பினை வழங்கினார்.
“நடிகைக்கு பணம் கொடுத்த வழக்கில் ட்ரம்ப் குற்றவாளி தான் என்று மீண்டும் நிதிமன்றம் உறுதி செய்தது. எனினும் அதிபராக தேர்வு செய்யப்பட்டுள்ள அவருக்கு அபராதமோ, சிறை தண்டனையோ விதிக்கப்படவில்லை” என்று நீதிபதி தீர்ப்பளித்தார். வரும் ஜனவரி 20ல் புதிய அதிபராக ட்ரம்ப் பதவியேற்க உள்ளார் என்பது குறிப்பிடத்தக்கது.
