பரந்தன் – முல்லைத்தீவு வீதியில் சரிந்து விழுந்த மரம்.!

வீதியோரத்தில் நிறுத்திவைக்கப்பட்டிருந்த வாகனத்தின் மீது மரமொன்று சரிந்து விழுந்ததில் வாகனம் சேதமாகியுள்ளது.

இச் சம்பவம் தொடர்பில் மேலும் தெரியவருவதாவது..

பரந்தன் – முல்லைத்தீவு A35 வீதியின் சுண்டிக்குளம் சந்தியோரத்தில் நிறுத்தி வைக்கப்பட்டிருந்த வாகனத்தின் மீது வீதியில் நின்ற மரமொன்று வேருடன் சாய்ந்ததில் வாகனம் பகுதியளவில் சேதமடைந்துள்ளது.

அதேவேளை அப் பகுதிக்கான மின் இணைப்புக்களும் பாதிக்கப்பட்டுள்ளன.

இதன் காரணமாக சிறிது நேரம் போக்குவரத்து தடைப்பட்டதுடன், போக்குவரத்து பொலிஸார் மற்றும் அப்பகுதி இளைஞர்கள் இணைந்து குறித்த மரத்தை அகற்றும் நடவடிக்கையில் ஈடுபட்டிருந்ததாக அங்கிருந்து கிடைக்கும் செய்திகள் தெரிவிக்கின்றன.